Biblia ya King James Version

Waebrania, Sura ya 8:

  1. Basi katika hayo tunayosema neno kuu ndilo hili: Tunaye kuhani mkuu wa namna hii, aliyeketi mkono wa kuume wa kiti cha enzi cha Ukuu mbinguni;
  2. mhudumu wa patakatifu, na hema ya kweli, ambayo Bwana aliiweka, wala si mwanadamu.
  3. Kwa maana kila kuhani mkuu huwekwa ili kutoa matoleo na dhabihu;
  4. Kwa maana kama angalikuwa duniani, hangekuwa kuhani, kwa kuwa wako makuhani watoao sadaka kwa mujibu wa sheria;
  5. Wanatumikia kwa kielelezo na kivuli cha mambo ya mbinguni, kama Musa alivyoonywa na Mungu, alipokuwa tayari kuifanya hema;
  6. Lakini sasa amepata huduma iliyo bora zaidi, kwa jinsi alivyo mjumbe wa agano lililo bora, lililoamriwa juu ya ahadi zilizo bora.
  7. Kwa maana kama lile agano la kwanza lisingalikuwa na dosari, nafasi isingalitafutwa kwa lile la pili.
  8. Kwa kuwa akiwalaumu, asema, Tazama, siku zinakuja, asema Bwana, nitakapofanya agano jipya na nyumba ya Israeli, na nyumba ya Yuda;
  9. si sawasawa na agano nililofanya na baba zao, siku ile nilipowashika mkono ili kuwatoa katika nchi ya Misri; kwa sababu hawakudumu katika agano langu, nami sikuwajali, asema Bwana.
  10. Maana hili ndilo agano nitakalofanya na nyumba ya Israeli baada ya siku zile, asema Bwana; nitatia sheria zangu katika nia zao, na katika mioyo yao nitaziandika; nami nitakuwa Mungu kwao, nao watakuwa watu wangu;
  11. Wala hawatamfundisha kila mtu jirani yake, na kila mtu ndugu yake, wakisema, Mjue Bwana;
  12. Kwa maana nitawasamehe maovu yao, na dhambi zao sitazikumbuka tena.
  13. Kwa kusema, Agano jipya, amelifanya lile la kwanza kuwa kuukuu. Sasa kile kinachoharibika na kuchakaa kiko tayari kutoweka.